Presidentja e Kosovës, Vjosa Osmani, i ka uruar shërim të shpejtë homologut të saj turk, Recep Tayyip Erdogan dhe gruas së tij, Emine Erdogan, pas njoftimit se ata janë infektuar me loronavirus.

“I uroj shërim të shpejtë presidentit turk Recep Tayyip Erdogan dhe Zonjës së parë, Emine Erdogan. Të shkuara”, shkroi ajo në Twiiter.

Erdogan njoftoi dje se ka rezultuar pozitiv në testin për variantin Omicron të COVID-19.

Në një postim në Twitter, Erdogan tha se ai dhe gruaja e tij po përjetonin simptoma të lehta të coronavirusit.

“Fatmirësisht, ne jemi duke kaluar një sëmundje të lehtë, të cilën mësuam të jetë varianti Omicron”, ka shkruar ndër të tjerash në Twitter./GazetaSinjali/