image 'Open Door' përfaqëson Shqipërinë në Oscars - Sinjali

COVID-19

Të infektuar

38431

Të shëruar

23754

Të vdekur

989

‘Open Door’ përfaqëson Shqipërinë në Oscars

news image

‘Open Door’ filmi me regji nga Florens Papas e që për personazh kryesor ka Jonida Vokshin dhe Luli Bitrin, do të prezantojë Shqipërinë në edicionin e 93-të të OSCARS.

”Open door” (Derë e hapur) tregon historinë e dy motrave që do të ndërmarrin një rrugëtim, duke u ballafaquar hera-herës me forcën e sistemit tradicional-patriarkal.

Personazhi kryesor është Elma, që është një vajzë e re shqiptare e cila jeton ilegalisht në Itali. Ajo është shtatzënë dhe babai i fëmijës tashmë është në burg.

Pas depërtimit nga policia italiane, duke mos ditur kujt t’i drejtohet për ndihmë, ajo vendos të kthehet tek motra e saj e madhe, Rudina.

Të dy motrat do të nisin një rrugë të gjatë me veturë drejt shtëpisë së babait të tyre tradicional. Ndërsa Rudina nget veturën, Elma do bëj ç’të mundet për të mos shkuar atje. Filmi ka në qendër tre personazhe, dy motrat Rudina dhe Elma dhe djalin 5 vjeçar të Rudinës.

Tema që trajtohet është përplasja mes tradicionales dhe modernes midis brezave e cila është e pranishme dhe sot. “Derë e Hapur” merret me këtë tematikë edhe pse nuk kërkon të thotë se e gjithë shoqëria jonë është tradicionale dhe hera- herës patriarkale, por kërkon të thotë se këto forma ekzistojnë akoma dhe janë të pranishme në shoqëri. Ne ju urojmë shumë suksese dhe po kryqëzojmë gishtat deri atëherë. /Gazeta Sinjali/


Shpërndaje artikullin