Martin Odegaard thotë se do ta shijonte shansin për të qenë kapiten i Arsenalit dhe nuk është i mërzitur nga mallkimi i dukshëm i shiritit të krahut gjatë viteve të fundit.
Odegaard pritet të marrë shiritin e kapitenit të Arsenalit pas largimit të Pierre-Emerick Aubameyang dhe Alexandre Lacazette.
Aubameyang, Mesut Ozil dhe Granit Xhaka janë përfshirë në polemika pasi morën shiritin në krah, ndërsa Laurent Koscielny, Robin van Persie, Cesc Fabregas dhe Thierry Henry u larguan të gjithë gjatë kohës që ishin në krye.
“Nuk është diçka për të cilën mendoj. Mendoj për të ardhmen dhe për ta bërë atë sa më mirë që të jetë e mundur, kështu që do të shohim se çfarë do të ndodhë”, tha Odegaard të premten.
“Gjithmonë gëzoj përgjegjësi. Unë jam kapiten për vendin tim (Norvegji) dhe është një përvojë e bukur, kështu që më pëlqen.
Nuk di asgjë për situatën këtu, mendoj se kjo pyetje është për Mikelin (Artetën) dhe klubin, por nëse ai do të më pyeste sigurisht që do të isha i lumtur ta bëja“, ka deklaruar Odegaard.
