Dy gra në të 50-at e kanë vdekur pasi i ishin “nënshtruar dhunës” në një shkollë të mesme në qytetin jugor suedez të Malmos, thotë policia.
Një 18-vjeçar, i cili është student në shkollë, është arrestuar si i dyshuar për vrasje, thonë oficerët, shkruan BBC, transmeton Gazeta Sinjali.
Nuk ishte e qartë menjëherë se çfarë ndodhi, por policia tha se nuk kishte raportime për të shtëna me armë zjarri.
Dy gratë, të cilat punonin në shkollë, u dërguan në spital me ambulancë, por nuk mundën të shpëtonin.
Rreth 50 persona, studentë dhe mësues, ishin në shkollë kur ndodhi incidenti, me policinë që mori raporte për një “krim të dyshuar të rëndë”.
Sulmuesi i dyshuar ishte i armatosur me një thikë dhe një sëpatë, sipas mediave suedeze. Thuhet se ai ka telefonuar në numrin e urgjencës dhe ka pranuar se ka vrarë dy persona.
Policia evakuoi shkollën dhe kontrolloi mjediset e saj, por nuk gjeti “asnjë tregues” për ndonjë autor tjetër, tha policia.
