Austria raportoi sot një numër rekord të vdekjeve nga koronavirusi në 24 orët e fundit, transmeton Gazeta Sinjali.

Atje janë shënuar 118 raste të vdekjes.

Atje u shënuan 4.377 raste të reja të infeksionit me koronavirus, që është një rënie e konsiderueshme krahasuar me dhjetë ditët e fundit, por numri i vdekjeve është rekord.

Austria ka pasur më shumë se 6 mijë infeksione të reja në dy javët e fundit dhe rënia aktuale tregon se masat kufizuese kanë filluar të hyjnë në fuqi.

Ndërkohë Ministria e Shëndetësisë atje ka filluar përgatitjen e një plani për një vaksinim gjithëpërfshirës kundër koronavirusit.

Në ditët e kaluara, u porositën pajisjet e nevojshme për vaksinim, në vlerën e dy milionë eurove, ndër të cilat ka shiringa në vlerë prej rreth 430.000 euro./Gazeta Sinjali/