Presidentja Vjosa Osmani është takuar me disa të rinj shqiptarë në Austri, para nisjes së Forumit Europian Alpbach.
Osmani ka publikuar fotografinë nga Alpet austriake duke shkruar në Facebook: “Një mëngjes frymëzues në Alpet austriake me të rinjtë e jashtëzakonshëm shqiptarë para Forumit Evropian Alpbach 2023”.
Ajo e shpërndau fotografinë e njëjtë edhe në rrjetin social X, duke shkruar se e ka nisur ditën në Alpbach me “studentë frymëzues nga Kosova, Shqipëria dhe diaspora jonë në Forumin Evropian Alpbach të këtij viti”.
“Mezi pres diskutimin e sotëm të panelit mbi avancimin e rrugës së Kosovës për në BE, adresimin e sfidave aktuale dhe nevojën për një proces të përshpejtuar zgjerimi”, shkroi Osmani.
Siç njoftoi zyra e për shtyp e Presidencës, Osmani “do të jetë folëse në panelin kryesor në hapje të Forumit, i cili do të fokusohet në rishikimin e politikës aktuale të zgjerimit, adresimit të sfidave aktuale politike dhe të sigurisë, si dhe avancimin e Kosovës në rrugën drejt integrimit evropian”.
Starting off the day in Alpbach with inspiring students from Kosovo, Albania and our diaspora at this year's #EFA2023!
— Vjosa Osmani (@VjosaOsmaniPRKS) August 27, 2023
I look forward to today's panel discussion on advancing 🇽🇰's EU path, addressing current challenges & the necessity for an accelerated enlargement process. pic.twitter.com/eegJbHJjFW
