Gazeta Sinjali pothuajse çdo ditë raporton për rastet e dhunës fizike e psiqike ndaj femrave që po ndodhin në vendin tonë, e që fatkeqësisht kjo dukuri nuk ka të ndalur.
Kësaj kategorie i shtohet edhe një rast, i cili ka ndodhur dje rreth orës 16:00, në fshatin Preoc të Graçanicës.
Gazeta Sinjali mëson se një femër është ankuar në polici se i dashuri i saj e ka sulmuar atë fizikisht duke i shkaktuar lëndime trupore.
Burime të Gazetës Sinjali brenda Policisë së Kosovës bëjnë të ditur se i dyshuari është arrestuar dhe pas intervistimit me vendim të prokurorit është dërguar në mbajtje.
