Një rast i dhunës në familje është raportuar në Pejë, ku një person dyshohet se ka sulmuar fizikisht prindin e tij dhe një familjare, mëson ekskluzivisht Gazeta Sinjali.
Sipas burimeve të Sinjalit, rasti ka ndodhur më 22 qershor, rreth orës 22:35, në rrugën “Myrvete Maksutaj” në Pejë.
Burimet bëjnë të ditur se viktima ka deklaruar se, pasi ishte kthyer në banesë, djali i tij i kishte kërkuar 5 euro.
Sipas deklarimit të viktimës, pasi nuk kishte para për t’ia dhënë, i dyshuari dyshohet se ka filluar ta sulmojë atë dhe një familjare tjetër.
Pas raportimit, patrulla policore ka dalë në vendin e ngjarjes dhe ka shoqëruar të dyshuarin në Stacionin Policor, ku është intervistuar nga hetuesit.
Pas konsultimit me Prokurorin kujdestar, rasti është iniciuar si “Dhunë në familje”.
I dyshuari është liruar në procedurë të rregullt, ndërsa hetimet për rastin janë në vazhdim.
Sinjali – aty ku e vërteta flet para lajmit!
