Gjykata Themelore në Prishtinë ia ka caktuar masën e paraburgimit të pandehurit V.B, për shkak të veprës penale “Rrezikim i trafikut publik”, me ç’rast nga ky aksident ka pësuar me fatalitet viktima E.N.A.
“Ekziston dyshimi i bazuar se më datë 11.03.2022, rreth orës 17:25, në rrugën Sllatinë – Magur, në fshatin Harilaq, i pandehuri V.B, duke drejtuar automjetin e tij, nga pakujdesia ka rrezikuar pjesëmarrësit në komunikacion dhe ka vu në rrezik jetën e njerëzve, nga pakujdesia ka rrezikuar pjesëmarrësit në komunikacion dhe ka vu në rrezik jetën e njerëzve ashtu që duke mos e përshtatur shpejtësinë e lëvizjes së mjetit me kushtet dhe fushëpamjen e rrugës dhe duke mos pasur kujdes ndaj këmbësorëve në rrugë, e godet këmbësorin tani të ndjerin E.N.A“, thuhet në komunikatën e Gjykatës.
Gjykata i ka caktuar masën e paraburgimit për të pandehurin V.B në kohëzgjatje prej një muaji.
Sinjali kishte raportuar për ngjarjen e cila përfundoi me fatalitet.
