Shërbimi Korrektues i Kosovës ka bërë të ditur se gjatë ditës së sotme është arratisur një i paraburgosur me inicialet I.SH nga Instituti i Psikiatrisë Forenzike, raporton Gazeta Sinjali.
Zëdhënësi i SHKK-së, Florent Gashi ka thënë për Sinjalin se i arratisuri ishte pranuar në paraburgim më 3 shtator të këtij viti dhe akuzohet për veprën penale “lëndim i lehtë trupor”.
Ai shtoi se për këtë rast është njoftuar edhe Policia e Kosovës.
“Shërbimi Korrektues i Kosovës, njofton opinionin publik se sot rreth orës 10:45, nga Instituti i Psikiatrisë Forenzike është arratisur i paraburgosuri I. SH. I njëjti është pranuar në paraburgim -IPFK më 03.09.2021, dhe akuzohet për veprën penale lendim i lehët trupor. Aktualisht, jemi duke e bërë hetimin se si ka ardhur deri te arratisja, ndërsa për rastin janë njoftuar Policia e Kosovës”, ka thënë Gashi për Sinjalin.
