image Ngacmohet seksualisht punëtorja e barnatores në Prizren, arrestohet  i dyshuari
[wp-story id="814678"]

Siguri

Ngacmohet seksualisht punëtorja e barnatores në Prizren, arrestohet  i dyshuari

news image

Vajzat dhe gratë po vazhdojnë të jenë viktimat më të shpeshta të dhunës në familje, ngacmimeve e sulmeve seksuale. Raste të tilla ndodhin edhe në hapësira publike, lokale, vende të ndryshme të punës, çka po ngrit shqetësim se siguria po cenohet, raporton Gazeta Sinjali.

Për një rast të tillë që ka ndodhur në  rrugën “Ali Deda” në Prizren, Policia Rajonale atje ka arrestuar një person, i cili u denoncua nga një grua për ngacmim seksual.

Burimet nga Prokuroria kanë bërë me dije se viktima kësaj radhe është një punëtore e një barnatoreje, e cila ka raportuar se i dyshuari e kishte shqetësuar duke i shkuar në vendin e saj të punës.

Sipas informacioneve të para, i dyshuari V.M., i ka shkuar sot viktimës te lokali, duke e ngacmuar me fjalë të ndryshme, çka i krijuar ankth dhe pasiguri gruas, e cila e njoftoi Policinë. 

Si rezultat i denoncimit të rastit, i dyshuari është shoqëruar në stacion policor dhe më pas është dërguar në Qendrën e Mbajtjes pasi ndaj tij Prokurori i Shtetit ka lëshuar aktvendim për ndalim prej 48 orësh për veprën penale “Ngacmimi seksual”.

/GazetaSinjali/