Komuna e Prishtinës ka njoftuar se nga nesër nuk do të ofrojë asnjë shërbim për qytetarët që nuk janë të pajisur me maska dhe dorëza.

Në një njoftimin e bërë komuna thuhet se kjo masë është marrë në mënyrë që të luftohet përhapja e pandemisë Covid-19.

“Prej nesër, 7 Prill, si masë shtesë mbrojtëse për parandalimin e përhapjes së #covid29, kemi marrë vendim që qytetarët të cilët nuk janë të pajisur me maskë e dorëza nuk do të mund të marrin shërbime në Komunën e Prishtinës. Të kujdesemi për shëndetin tonë dhe të tjerëve rreth nesh. Bashkë mund të tejkalojmë këtë sfidë më shpejtë dhe më lehtë! #rriNshpi #Prishtina”, thuhet në njoftimin e Komunës së Prishtinës. /GazetaSinjali/