Gjatë ditës së djeshme janë marrë masat e reja antiCOVID nga Qeveria e Kosovës, pas rritjes së numrit të rasteve pozitive.
Në këto masa bënë pjesë edhe obligueshmëria për ta bartur maskën, përveç në disa raste të veçanta.
Me masat e reja thekësohet se klientët në lokale duhet të qëndrojnë ulur, me përjashtim të disa rasteve: Kur klienti hyn ose del nga lokali, paguan porosinë, shkon në tualet, si dhe kur është e nevojshme për siguri apo shëndet dhe në të gjitha këto raste është e obligueshme bartja e maskave.
Masat për gastronominë:
Klientët duhet të qëndrojnë ulur në çdo kohë në kuadër të lokaleve të shërbimeve të gastronomisë në të cilën lejohet shërbimi i ushqimit apo pijeve, përveç:
39.1 Gjatë hyrjes apo daljes nga ambienti i lokalit:
39.2 Ndërsa paguan porosinë;
39.3 Gjatë shkuarjes apo kthimit nga tualeti;
39.4 Kur është e nevojshme për qëllime të shëndetit dhe sigurisë.
Në rastet nga pika 39.1 deri 39.4 është e obliguar bartja e maskës.
Shërbimet e gastronomisë lejohet të zhvillojnë aktivitetin e tyre nga ora 05:00 deri në orën 21:00.
Muzika lejohet vetëm deri në orën 20:30.
