image Netflix do të ndryshojë numrin e celularit që del në Squid Game sepse një grua e ka atë - Sinjali

Netflix do të ndryshojë numrin e celularit që del në Squid Game sepse një grua e ka atë

news image

Seriali i famshëm Squid Game ka dalë të jetë problematik për një grua, kjo pasi që numri i cili shfaqet në këtë serial i përket kësaj gruaje, e cila që nga koha e lansimit është vërshuar nga telefonatat e shumta. Kësisoj, Netflix do të ndryshojë numrin e telefonit që shfaqet ne Squid Games.

Gruaja e panjohur është ankuar se në telefonin e saj mbërritën me mijëra telefonata që e ftonin të luante aq sa ia bënë të pamundur të përballej dhe të fokusohej tek përditshmëria e saj, raporton BBC.

Ajo u shpreh për median lokale se numri që përdor prej më shumë se 10 vitesh gati nuk funksionon më prej telefonatave që lidhen me serialin.

“Më është dashur të fshij rreth 4000 numra të huaj! Fillimisht s’e kuptova çfarë po ndodhte, por pastaj më thanë miqtë që numri im paska dalë në serial dhe aty bëra lidhjen.”- u shpreh ajo.

Pavarësisht shqetësimit, gruaja ka refuzuar të marrë para kompesimi për shqetësimin e shkaktuar nga seriali i famshëm.

Seriali koreano-jugor, seriali më i famshëm për momentin tregon historinë e një grupi prej 456 personash të cilët ftohen të rrezikojnë jetën në një lojë misterioze mbijetese për $38.7 milionë. Ata ftohen përmes një numri që të marrin pjesë në lojërat e fëmijëve jetë a vdekje për para. /Gazeta Sinjali/


Shpërndaje artikullin

Etiketat kryesore: