Kylian Mbappé do t’i detyrohet një bonus besnikërie prej 60 milionë euro nëse ai do të jetë lojtar i PSG-së pas ditës së martë.
Sulmuesi francez ka afat deri në mesnatën e së hënës për të aktivizuar opsionin e tij për të zgjatur kontratën e tij me PSG me një vit deri në verën e vitit 2025.
PSG është 99.99% e sigurt se ai nuk do ta përdorë opsionin, kësisoj Mbappé i detyrohet 60 milionë euro bonus besnikërie (në këste) nëse ai është ende lojtar i PSG-së të martën, raporton Sky Sports, përcjell Sinjali Sport.
Kylian Mbappé has until midnight Monday to trigger his option to extend his PSG contract by one year to the summer of 2025. PSG are 99.99% sure he will not take up the option. Mbappé is due €60 million loyalty bonus (in instalments) if he's still a PSG player on Tuesday. He was…
— Kaveh Solhekol (@SkyKaveh) July 30, 2023
Ai u hoq nga turneu i PSG-së dhe u vu në shitje të premten më 21 korrik, sepse PSG e dinte se ai nuk do të rinovonte dhe ata donin ta shisnin sa më shpejt që të ishte e mundur, shton SkySports.
Kujtojmë që klubi saudit Al Hilal bëri një ofertë prej 300 milionësh drejt PSG-së për Mbappen, kontratë e vlefshme vetëm për 1-sezon në mënyrë që francezi ta kompletojë më pas transferimin e tij të ëndrrave në Real Madrid në verën e vitit 2024.
PSG e pranoi menjëherë këtë ofertë, megjithatë kjo u refuzua nga vet lojtari, i cili pavarësisht se do të përfitonte rreth 700 milionë përgjatë 1-sezoni, ai vendosi ta hudhë poshtë këtë ofertë pasi dëshiron qëndrimin në Evropë.
Real Madrid ndërkohë dëshiron të zgjidhë situatën e Kylian Mbappé në dy javët e para të gushtit përpara se të fillojë sezoni i ri i LaLiga-s, sipas ESPN, por ata ende presin që lojtari, ose klubi i tij Paris Saint-Germain, të bëjë lëvizjen e parë.
PSG e ka bërë të qartë se ata do të ishin të hapur për një marrëveshje këtë verë për të shmangur largimin e Mbappés si një transferim i lirë vitin e ardhshëm, por të dy klubet nuk kanë zhvilluar ende bisedime vetëm dy javë para fillimit të sezonit 2023-24 në Spanjë dhe Francë.
Madridi mbetet me shpresë, megjithatë, se klubi është gati të arrijë një marrëveshje nëse PSG tregon se është i gatshëm të hapë negociatat.
Gjigantët spanjollë janë të vetëdijshëm se një marrëveshje do të kushtonte mbi 200 milionë euro duke përfshirë variablat, dhe ata do t’i ofronin Mbappe-s një kontratë gjashtëvjeçare deri në vitin 2029. Madridi do të donte që kontrata e Mbappes të përputhej me atë të Jude Bellingham, i cili arriti këtë verë në një marrëveshje me vlerë 103 milionë euro plus 30% të tjera në variabla.
Klubi i sheh Mbappé dhe Bellingham si dy lojtarët që do të udhëheqin projektin e ri sportiv, së bashku me Vinicius Junior.
