Kryeministri i Shqipërisë, Edi Rama ka njoftuar se nesër në qendrat urbane mund të dalin në këmbë vetëm nënat me fëmijët deri në moshën 10 vjeçare, shkruan Gazeta Sinjali.

Siç njofton ai përmes profilit zyrtar në Facebook, kjo lëvizje mund të bëhet vetëm deri në orën 11:00.

“Kujdes nënat duhet të mos shoqërohen me shoqe dhe fëmijët duhet të mbahen larg çdo kontakti me fëmijë të tjerë”, ka shkruar Rama.

Tutje, kryeministri Rama ka shkruar se të gjithë baballarët, fëmijët mbi 10 vjeç dhe të moshuarit duhet të qëndrojnë në shtëpi deri të hënën në orën 05:00./GazetaSinjali/