image U zbuluan plane për sulme terroriste për Krishtlindje në Francë - Sinjali

U zbuluan plane për sulme terroriste për Krishtlindje në Francë

news image

Dy burra të moshës 23-vjeçare janë akuzuar për terrorizëm më 8 dhjetor në Francë. Pas arrestimit të tyre u zbulua se kishin planifikuar të kryenin sulme me thika në hapësira publike gjatë kohës së festave të fundvitit.

Shërbimi inteligjent në Francë, arrestoi dy burrat kah fundi i nëntorit në dy zona të ndryshme në periferi të Parisit. Shërbimi inteligjent pranoi informata për planifikim të sulmeve të mundshme, tha një burim i afërt me rastin, raporton AFP.

Të dytë, u akuzuan për terrorizëm më 3 dhjetor dhe mbetën në paraburgim, tha burimi duke konfirmuar kështu raportimet e para të publikuara në gazetën, Le Parisien.

Plani i dy të arrestuarve ishte të sulmonin njerëz në qendra tregtare, por edhe rrugë.

Burimi i informuar për rastin tha se dy burrat madje diskutuan se ku do të duhej të “vdisnin si martirë”, duke shtuar se plani ishte i inspiruar nga xhihadistët.

Dyshja, sipas burimit, u njoh në rrjetet sociale e më pas u takua edhe fizikisht, raporton REL.

Në Francë ndodhën shumë sulme terroriste që nga viti 2015, me ç’rast qindra njerëz vdiqën e vendi u detyrua të rrisë nivelin e sigurisë në më të lartin./GazetaSinjali/


Shpërndaje artikullin