Kryetari i Lidhjes Demokratike të Kosovës, Isa Mustafa ua ka uruar përvjetorin e shpalljes së Pavarësisë së Kosovës të gjithë qytetarëve dhe bashkëatdhetarëve jashtë vendir.

Mustafaka ka kujtuar gjeneratat që flijuan për lirinë e pavarësinë e Kosovës, presidentin Ibrahim Rugova, komandantin Adem Jashari dhe luftëtarët e tjerë.

“Të gjithë qytetarëve të Republikës së Kosovës dhe bashkatdhetarëve tanë jashtë vendit ju uroj 17 Shkurtin, Ditën e Shpalljes së Pavarësisë”, është shprehur ai.

“Kujtojmë sot shumë gjenerata që punuan dhe u flijuan për lirinë dhe pavarësinë e vendit tonë. Arkitektin e pavarësisë, Presidentin Historik, Ibrahim Rugova, Komandantin e UÇK-së, Adem Jashari dhe shumë luftëtarë që u flijuan në altarin e lirisë. Vlerësojmë përpjekjet e pasluftës për ngritjen e institucioneve demokratike dhe përkrahjen e pareshtur të miqëve tanë ndërkombëtarë, SHBA -së dhe BE-së. Pavarësia mishëtohet edhe me kontributin e tyre ndërkaq Kosova frymëzohet të bëhet shtet i fortë, demokratik dhe i dashur për qytetarët e saj ”, ka shkruar Mustafa. /Gazeta Sinjali/