Deputeti i Vetëvendosjes ka reaguar sot lidhur me statistikat e eksportit të Kosovës. Armend Mujës i ka penguar një status i ish-drejtorit te Odës Ekonomike të Kosovës, Berat Rukiqit.
Ekonomisti Rukiqi shkroi më herët se Kurti duhet të bëjë një vizite në kompaninë “ Comodita”, eksportuesi më i madh i dyshekëve nga Kosova.
“Minimalisht çka duhet të bëj kryeministri, është të vizitoj dhe të ju jep përkrahje simbolike, atyre që sot janë mbi 25% e eksportit të Kosovës, përkatësisht kompanisë “Devolli Corporation”… “, shkroi Rukiqi.
Por, me të nuk u pajtua deputeti Muja. Ai ka shkruar se eksporti i Kosovës është duke u rritur edhe nga produktet tjera, jo vetëm nga dyshekët e Comodita.
“Kosova ka një gamë më të zgjeruar të produkteve të eksportuara dhe nuk duhet të thjeshtëzoni për të promovuar pasaktësinë e mitit të eksportit të dyshekëve – kjo nuk qëndron“ shkroi Muja poshtë statusit të Rukiqit.
Kompania “Comodita” është pronë e Shkëlqim Devollit, biznesmenit të cilin Kurti e pati sulmuar gjatë sa ishte në opozitë. Pati premtuar se Devolli dhe oligarkët tjerë do të goditën ashpër, nëse ai do të bëhej kryeministër. Mirëpo gjatë qeverisjes së Kurtit biznesmeni më i suksesshëm në Kosovë është bërë Shkelqim Devolli, “armiku” i dikurshëm i Kurtit.
