Ka raportime se PSG po kërkon ta zëvendësojë Mauricio Pochettinon me trajnerin portugez, Jose Mourinho.
Pochettino pritet që së shpejti të shkarkohet nga posti i trajnerit të PSG-së, dhe klubi francez tashmë ka filluar kërkimin për zëvendësimin e tij.
Mediat italiane kanë theksuar se PSG po kërkon që Mourinho të jetë trajneri i ri në stolin e francezëve.
Sidoqoftë, gazetari italian, Fabrizio Romano i ka mohuar këto zëra, duke konfirmuar se portugezi do të vazhdojë projektin me klubin romak.
“José Mourinho dëshiron të vazhdojë projektin e tij me AS Roma pavarësisht lidhjeve të PSG. Ai është i fokusuar te AS Roma, kështu që José nuk ka në plan të ndryshojë.
AS Roma është gjithashtu e përgatitur të mbështesë Mourinhon në strategjitë e transferimit, pas nënshkrimit të Svilar dhe Matić“, ka shkruar Romano në Twitter.
