KB Trepça ka triumfuar në finalen e Kupës së Kosovës në Basketboll ndaj Sigal Prishtinës.
Në ndeshjen e zhvilluar në palestrën “Mizair Isma” në Rahovec, “El Classico” prodhoi një super duel mes tyre, me ‘Torcidat’ që u treguan më vendimtar në çerekun e fundit, për të fituar Kupën e Kosovës.
“Xehtarët” triumfuan me rezultat 74-66 ndaj kryeqytetasve.
Me t’u kthyer klubi mitrovicas në qytet, ata janë mirëpritur nga mijëra qytetarë atje, duke krijuar një atmosferë fantastike.
Shumë qytetarë kanë ndezur fishekzjarrë duke e festuar triumfin, të përcjellur me muzikë.
