Nuk janë të rralla rastet kur në Kosovë nuk respektohen rregullat e trafikut. Sinjalizuesit e Gazetës Sinjali po vazhdojnë të raportojnë shkeljet e rregullave të komunikacionit.

Një sinjalizues ka dërguar sot një fotografi në Gazetën Sinjali, e cila është realizuar sot rreth orës 17:00.

Në fotografi shihet një shofer i cili po drejtonte një veturë me targa të Gjermanisë, i cili ka bërë një varg shkeljesh të rregullave të komunikacionit, në udhëkryqin e rrugëve, afër Qendrës së Studentëve, në Prishtinë.

Ky shofer ka bërë ndërrimin e shiritit në vijë të plotë, në vijat e këmbësorëve, derisa ishte i ndezur semafori i kuq.

Vazhdoni të denonconi kundërvajtjet në Gazetën Sinjali, në mënyrë që të kontribuojmë sadopak që rregullat në trafik të respektohen. /Gazeta Sinjali/