Gjatë ditës së sotme, ministri i Mbrojtjes, Armend Mehaj ka pritur në takim ushtarakët e “Kursit të Lartë të Oficerëve” nga Kolegji i Mbrojtjes dhe Sigurisë i Republikës së Shqipërisë, raporton Gazeta Sinjali.
Siç bëhet e ditur nga ministri Mehaj, në këtë takim është theksuar rëndësia e bashkëpunimit në çështje të sigurisë në funksion të interesave të përbashkëta, gjithmonë në dobi të sigurisë së Kosovës dhe Shqipërisë.
Po ashtu, Mehaj tha se lidhjet e ngushta vëllazërore na obligojnë që t’i qëndrojmë pranë njëri-tjetrit, andaj çdoherë e më shumë do të forcohet ky bashkëpunim në fushën e mbrojtjes dhe sigurisë, përmes shkëmbimit të përvojave ushtarake në shkollim, trajnime dhe stërvitje të nivelit operacional, taktik dhe strategjik.
“Akademitë e Mbrojtjes të të dyja shteteve si institucione arsimore do të vazhdojnë ofrimin e ndërsjelltë të shkollimit të kuadrove ushtarake për drejtim dhe planifikim në nivele strategjike”, tha ndër tjera Mehaj.
