image Minxhozi: Dialogu me Serbinë kërkon zgjidhje të dyanshme, do ta rrisim presionin për vizat - Sinjali

Minxhozi: Dialogu me Serbinë kërkon zgjidhje të dyanshme, do ta rrisim presionin për vizat

news image

Ambasadori i Shqipërisë në Kosovë, Qemajl Minxhozi ka thënë se dialogu ndërmjet Kosovës dhe Serbisë kërkon zgjidhje nga të dyja palët.

Prandaj sipas tij, shtetet fqinje duhet që të inkurajojnë zgjidhje të qëndrueshme ndërmjet të dy shteteve.

Minxhozi tha se në vazhdimësi Qeveria shqiptare, ka bërë apel te vendet e BE-së që Kosova të ketë liberalizimin e vizave.

Madje, ai është i bindur se presioni i Shqipërisë ndaj institucioneve relevante evropiane do të jetë në rritje.

“Unë mendoj që secili shtet duhet të ketë politikën e vet në qasje me fqinjët dhe ne inkurajojmë që dialogu ndërmjet Kosovës dhe Serbisë duhet të jetë një temë në vazhdimësi dhe kërkon një zgjidhje nga të dyja palët”, tha Minxhozi.

“Në vazhdimësi Qeveria shqiptare ndërmjet institucioneve të ndryshme, kryeministrit ka bërë apel vendeve të BE për të liberalizuar vizat për Kosovën që edhe Kosova të jetë pjesë e Ballkanit Perëndimor. Dhe unë besoj që ky presion i Shqipërisë ndaj institucioneve relevante evropiane do të jetë në rritje”, shtoi ai.

Sipas tij, Shqipëria dhe Kosova duhet ta rrisin bashkëpunimin ekonomik, ngase ka mundësi që arrihet deri në 500 milionë euro.

“Ne duhet të rrisim bashkimin ndërmjet vetes. Sepse duhet të fillojmë nga bashkimi ekonomik, i cili ka mundësi për tu avancuar më tej. Shqipëria dhe Kosova kanë një shkëmbim 300 milionë euro. Mundësitë janë shumë më tepër për 500 milionë euro”, u shpreh Minxhozi për EO.

“Por ne duhet të heqim disa barriera dhe një ndër to janë disa vendime të rëndësishme të cilat kanë të bëjnë me lëvizjen e lirë të njerëzve, kapitaleve pa pengesa në kufi. Nuk ka datë është proces dhe ajo që është e rëndësishme është të heqim kufi”, përfundoi ai./GazetaSinjali/


Shpërndaje artikullin