Ministri i Mbrojtjes, Armend Mehaj, i ka kërkuar Holandës mbështetje për t’u anëtarësuar Kosova në NATO.
Këtë kërkesë ai ia bëri zv.ambasadorit të Holandës në Kosovë, Peter van nder Bloemen gjatë një takimi të enjten.
“Holanda, si një nga vendet themeluese të NATO-s, është ndër partnerët tanë shumë të rëndësishëm edhe në fushën e mbrojtjes dhe sigurisë”, ka shkruar ai.
“Sot prita në takim Zv. Ambasadorin e Holandës në Kosovë, Peter van der Bloemen, me të cilin diskutuam për zhvillimet aktuale gjeopolitike në Evropë pas agresionit ushtarak të Rusisë në Ukrainë, si dhe ndikimit të tyre në aspektin e sigurisë dhe stabilitetit në rajon dhe më gjerë. Gjithashtu diskutuam për thellimin e bashkëpunimit bilateral në mes dy ministrive të mbrojtjes si dhe koordinimin sa më të mirë për realizimin e aktiviteteve të planifikuara për vitin 2022, sipas Planit Bilateral që nënshkruam sot. Ndër të tjera, nga Zv. Ambasadori Van der Bloemen kërkova mbështetjen e Holandës, si një ndër vendet themeluese të Aleancës Veriatlantike, në synimin tonë për anëtarësim të përshpejtuar të Republikës së Kosovës në NATO”, ka shkruar Mehaj.
