image Mediat në Maqedoni: Arrestohet për drogë në Ohër dhëndri i kryebashkiakut shqiptar - Sinjali

Mediat në Maqedoni: Arrestohet për drogë në Ohër dhëndri i kryebashkiakut shqiptar

news image

Mediat në Maqedoni të Veriut raportojnë për një operacion të madh anti-kanabis të policisë në qytetin e Ohrit ku janë arrestuar 10 persona. Sipas Alsat, mes të arrestuarve është edhe dhëndri i kryebashkikut të Pogradecit, Ilir Xhakolli.

Operacioni u krye në fshain Orovnik të Ohrit ku u zbulua një “shtëpi bari”. Brenda saj u kapën 3 000 rrënjë kanabisi, 100 litra vaj kanabisi si edhe 600 kg kanabis i thatë, gati për tregtim.

Vlerësimet e para të policisë maqedonase flasin se vlera e drogës së konfiskuar është shumë e madhe.

Godina ku u gjet “shtëpia e barit” ka qenë e regjistruar si filial i kompanisë Greenego 2018 nga fshati Drsllajcë i Strugës, por nuk ka pasur licencë për prodhim të marihuanës.

Në Maqedoni të Veriut lejohet rritja e kanabisit, por me leje të posaçme nga organet shtetërore. 

/GazetaSinjali/


Shpërndaje artikullin

Etiketat kryesore: