Dje pak pas mesnatës, Policia ka pranuar informacione për një rrahje që ka ndodhur në fshatin Poturoc të Lipjanit.
Burimet e Gazetës Sinjali kanë njoftuar se në këtë fshat disa persona të panjohur e kanë rrahur një 17-vjeçar.
Pas arritjes në vendngjarje, Policia e ka intervistuar viktimën dhe vëllain e tij, të cilët kanë deklaruar se nga një veturë e tipit “Peugeot” kanë dalë dy persona të panjohur dhe e kanë sulmuar të miturin.
Ata kanë raportuar në Polici se kanë dyshime që personat e panjohur janë shokë të babait të tyre.
Siç mëson Sinjali, viktima ka pranuar ndihmë mjekësore në QKMF-në e Lipjanit, ndërsa të dyshuarit ende nuk janë kapur
Sipas burimeve të njëjta, prokurori ka urdhëruar që të iniciohet rasti si “Lëndim i lehtë trupor”.
