image Mbi 50 prokurorë të angazhuar në zgjedhje, apleohen qytetarët t'i raportojnë shkeljet

Mbi 50 prokurorë të angazhuar në zgjedhje, apleohen qytetarët t’i raportojnë shkeljet

news image

Prokurori i Shtetit ka bërë të ditur se është duke u përcjell me vëmendje procesi zgjedhor, i cili është duke u zhvilluar sot për zgjedhjet e balotazhit, për kryetar komunash.

“Që nga ora shtatë e mëngjesit të ditës së sotme, janë të angazhuar mbi pesëdhjetë 50 prokurorë dhe staf mbështetës, për të përcjellë për së afërmi mbarëvajtjen e procesit zgjedhor, të cilët janë në gjendje gatishmërie që të reagojnë në çdo rast ku ka pengim të procesit të votimit”, thuhet në njoftimin e prokurorisë.

Po ashtu, prokurori i shtetit me qëllim të parandalimit të çdo parregullsie që lidhet me të drejtën e votës, fton qytetarët, mediat dhe shoqërinë civile, të bashkëpunojnë dhe raportojnë te Policia dhe Prokuroria, të gjitha pretendimet për keqpërdorim të votës./GazetaSinjali/