Një person ka mbetur i vdekur si pasojë e një aksidenti në autostradën Tiranë-Durrës.

Policia njofton se një veturë e tipit ‘Fiat’ ka goditur për vdekje kombësorin 45 vjeçar, identiteti i të cilit ende nuk dihet.

“Më datë 22.11.2019, ora 17:40, në autostradën Tiranë-Durrës, mjeti tip “Fiat”, me drejtues shtetasin Sh.Sh.,37 vjeç, ka aksidentuar një shtetas këmbësor, akoma të pa identifikuar, i cili ka ndërruar jetë. Grupi hetimor po punon për zbardhjen e shkakut të aksidentit. Drejtuesi i mjetit është shoqëruar në ambientet e Policisë për veprime të mëtejshme”, njofton Policia./Gazeta Sinjali/