Romelu Lukaku e ka parë ardhjen e Kristjan Asllanit në Inter duke thënë se i pëlqen mentaliteti i shqiptarit, sipas një raportimi në rrjetet sociale.

Një video është shpërndarë sot në rrjetin social të Interit në Twitter pak para se të shpallej zyrtarisht transferimi nga Empoli i Kristjan Asllanit.

Në video shihet Romelu Lukaku, i cili kishte bërë të ditur transferimin e tij dje, duke biseduar me presidentin e Interit, Steven Zhang për mesfushorin shqiptar.

Sulmuesi belg shpejtoi të tregojë se i pëlqen shumë mentaliteti i 20-vjeçarit, duke thënë se është më shumë si një 27-vjeçar.

????⁰Let me introduce:
Class of 2002, midfielder… Kristjan Asllani ????????#ForzaInter #WelcomeKristjan pic.twitter.com/8bNeDuRCEY

— Inter (@Inter) June 30, 2022

“Kam folur me djalin e ri Asllani, më pëlqen mentaliteti i tij, do të na befasojë. Ai është vetëm 20 vjeç, por ai flet si një 27-vjeçar”, është shprehur belgu.

Kristjan Asllani i bashkohet Interit në një huazim një-vjeçar nga Empoli ku ai pati një sezon fantastik nën drejtimin e Andreazzoli. Pjesa e huazimit të marrëveshjes do t’i kushtojë Interit 4 milionë euro dhe më pas marrëveshja do të bëhet e përhershme verën e ardhshme për 10 milionë euro.

Ai shihet si mbulesë për Marcelo Brozovic dhe ndoshta zëvendësues për të ardhmen.

/GazetaSinjaliSport/