Kryetari i Komunës së Drenasit, Ramiz Lladrovci, nuk e ka larguar ende fotografinë e Hashim Thaçit nga zyra e tij në komunë.
Lladrovci ka publikuar një foto me një mbishkrim në Facebook, dhe aty shihet se ende e ka fotografinë e ish-presidentit.
Përveç fotografisë së Thaçit, ai mban në zyrë edhe fotografinë e Presidentes Vjosa Osmani, ashtu siç e përcakton ligji.
Sipas Ligjit për Protokollin e shtetit, neni 20, paragrafi 3, fotografinë e Presidentes Osmani obligohen ta mbajnë në zyra të gjithë institucionet e Republikës së Kosovës.
