Shefja e Grupit Parlamentar të Lëvizjes Vetëvendosje, Mimoza Kusari-Lila, është deklaruar lidhur me qëndrimin e këtij subjekti për mbajtjen e zgjedhjeve lokale.
Kusari-Lila, në konferencë për media u shpreh se Vetëvendosje nuk insiston në një variant apo tjetër, përveç në një vendim të përbashkët në pajtueshmëri me të gjitha partitë tjera politike.
”Seanca e radhës së Kuvendit do të jetë më 20 shtator. Është kërkuar që sipas rendit, meqë të enjten më 16 shtator është paraparë takimi i dy qeverive, asaj të Kosovës dhe Maqedonisë së Veriut”.
”Përveç pikave të zakonshme është edhe projektligji për mbrojtjen e shtetasve të huaj në Republikën e Kosovës”, u shpreh ajo.
”Qëndrimi ynë është që të jetë një vendim konsensual i të gjitha partive. Fare nuk insistojmë në një variant ose tjetrin. Është e rëndësishme që të kemi parasysh shëndetin publik të qytetarëve të Kosovës”, tha shefja e grupit parlamentar.
”Si Grup Parlamentar i VV-së dakordohemi me të gjitha partitë tjera pjesëmarrëse në zgjedhjet lokale të Kosovës”, përfundoi ajo.
