Liderët e G7 që u mblodhën në Hiroshima të Japonisë, diskutuan edhe për dialogun Kosovë-Serbi, në mesin e shumë temave të tjera.
Ata e mirëpritën marrëveshjen e 27 shkurtit dhe aneksin e saj të zbatimit në Ohër.
Ndërsa u bënë thirrje dy palëve që t’i zbatojnë me mirëbesim detyrimet e tyre përkatëse.
“Ne e mirëpresim marrëveshjen për rrugën drejt normalizimit të marrëdhënieve ndërmjet Kosovës dhe Serbisë dhe aneksin e saj të zbatimit, të arritur në kuadër të dialogut të lehtësuar nga BE-ja në Bruksel më 27 shkurt dhe në Ohër më 18 mars respektivisht”.
“Me qëllim të zhbllokimit të potencialit të plotë për qytetarët e Kosovës dhe Serbisë dhe për avancimin e marrëdhënieve të fqinjësisë së mirë në Ballkanin Perëndimor, ne u bëjmë thirrje të dyja palëve që të zbatojnë me lehtësi dhe mirëbesim detyrimet e tyre përkatëse”, thuhet në komunikatën e lëshuar nga ky samit.
