Një legjendë e Arsenalit e ka këshilluar klubin që transferojë sulmuesin nga Serie A.
Sulmuesi i Romës, Tammy Abraham, do të ishte nënshkrimi “perfekt” për Arsenalin, sipas ish-mesfushorit të Topçinjve, Emmanuel Petit, transmeton Sinjali Sport.
Abraham ka ‘lulëzuar’ në Serie A që kur u bashkua nga Chelsea në një marrëveshje prej 40 milionë eurosh verën e kaluar, duke shënuar 23 gola në 41 paraqitje në të gjitha garat.
Me Mikel Arteta që pritet të jetë në treg për një sulmues në fund të sezonit, spanjollit i është kërkuar të shqyrtojë një lëvizje për reprezentuesin anglez në formë.
Fituesi i Kupës së Botës në Francë, Petit beson se Abrahami mund të jetë i hapur për një rikthim në Premier League, pavarësisht suksesit të tij nën drejtimin e Jose Mourinhos në kryeqytetin italian.
Nëse është kështu, atëherë Petit mendon se një lëvizje në Emirates Stadium do t’i përshtatej të gjitha palëve, duke krahasuar atributet e Abrahamit me ish-sulmuesin e Topçinjve, Emmanuel Adebayor.
“Abrahami më kujton Emmanuel Adebayor, praninë e tij fizike në zonën e penalltisë”, tha ai për Genting Casino. Reagimi i Abrahamit kur mbërriti te Roma ka qenë i shkëlqyeshëm sepse ai ka shënuar 15 gola [ligë] dhe ka shumë asistime, kështu që ai po shijon futbollin e tij atje. Ai shkoi në Itali me ndjenjën e hakmarrjes për atë që ndodhi në Chelsea. Ai nuk është budalla, ai do të shohë se çfarë po ndodh me sulmuesit në Chelsea me Romelu Lukaku dhe Timo Werner, ata janë duke luftuar. Pra, ndoshta ai po mendon, ‘do të kishte qenë më keq për mua nëse do të kisha qëndruar në Chelsea’. Ai mori vendimin e duhur dhe po kalon një sezon të mrekullueshëm me Romën. Jam shumë i sigurt se ai dëshiron të kthehet në Angli dhe ai do të përshtatej në mënyrë të përkryer në Arsenal, sepse ai është një lojtar ndryshe nga Alexandre Lacazette me një stil të ndryshëm, fizik të ndryshëm dhe ai është një golashënues. Edhe te Chelsea ai po shënonte gola, jo aq sa donte, por është 24 vjeç kështu që ka ende shumë për të mësuar”, ka përfunduar ish-mesfushori i Arsenalit.
