Kantautorja e njohur amerikane, Lady Gaga e ka shtyrë publikimin e albumit më të ri, “Chromatica”.

Albumi që ishte paraparë të dilte në treg më 10 prill të këtij viti është shtyrë për shkak të pandemisë së koronavirusit për një datë tjetër, transmeton Gazeta Sinjali.

Këtë e ka bërë të ditur vetë Gaga, përmes një deklarate të gjatë të publikuar në rrjetin social Twitter.

“Doja t’ju them se pas shumë diskutimesh, unë kam marrë një vendim tepër të vështirë për të shtyrë publikimin e ‘Chromatica’. Do ju njoftoj për datën e re dhe do të jetë në vitin 2020”, është shprehur ndër të tjera artistja.

Lady Gaga përmes albumi të ri do të sjellë bashkëpunime të ndryshme, duke përfshirë edhe bashkëpunimin me këngëtaren gjithashtu të njohur, Ariana Grande./Gazeta Sinjali/