Policia e Kosovës gjatë ditës së sotme ka bërë të ditur se ka arrestuar një person i cili dyshohet për bashkryerje për vrasjen e Driton Salihut, 49-vjeçar vitin e kaluar.
I arrestuari është Adrian.B 30-vjeçar.
Njoftimi i plotë:
Në orët e mesditës së sotme të datës 23 shkurt 2022, në Vushtrri, është
arrestuar i dyshuarit A. B. 30 vjeçar, shtetas të Republikës së Kosovës.
I dyshuari kohë më parë, është shpallur në kërkim policor si i dyshuar për
bashkryerje në veprën penale ’’Vrasje e rëndë”, e ndodhur më datën 10 korrik 2021, në rrugën “Evlia Qelebia” në Mitrovicën e Jugut, ku si pasojë e plagëve të marra nga arma zjarrit ka vdekur viktima D. S., i moshës 49 vjeçar, ndërsa i plagosur kishte mbetur edhe një person tjetër.
Pas intervistimit me aktvendim të prokurorit të rastit, të dyshuarit i është
caktuar masa e ndalimit për 48 orë.
