Kryeministri i Kosovës, Albin Kurti do të takohet sot me Përfaqësuesin e Lartë të BE-së, Josep Borrell, dhe emisarin special të BE-së për dialogun Kosovë – Serbi, Miroslav Lajçak.
Qeveria e Kosovës konfirmoi për REL-in se kryeministri Albin Kurti po merr pjesë në ditën e fundit të Konferencës për Siguri Globale në Bratisllavë.
Zëdhënësi Përparim Kryeziu tha se, në mesin e aktiviteteve, Kurti do të takojë edhe shefin e politikës së jashtme të Bashkimit Evropian, Josep Borrell, dhe të dërguarin e BE-së për dialogun Kosovë-Serbi, Mirosllav Lajçak.
“Qëndrimi i tij do të jetë njëditor. Brenda ditës do të jetë në Kosovë”, tha Kryeziu.
