Kryeministri i Kosovës, Albin Kurti ka vizituar sot gjatë ditës tre policët e Kosovës, Rifat Zeka, Beqir Sefi dhe Mustafë Shema që u rrëmbyen në veri të vendit nga forcat serbe.
Pas këtij rrëmbimi që ndodhi më 14 qershor, tre policët u liruan nga paraburgimi mëngjesin e 26 qershorit.
Qeveria kishte deklaruar se ata janë kidnapuar nga territori i Kosovës, derisa nga Beogradi thanë se ata janë arrestuar në territorin serb.
“Mikpritje fort e ngrohtë, sepse festa ishte e dyfishtë në Peran, Letanc dhe Mitrovicë. I falënderova të tre policët tanë dhe familjet e tyre për qëndresën, besim e treguar dhe mbështetjen e dhënë ndaj institucioneve të Republikës.”
