Kompania Rajonale e Ujësjellësit “Gjakova” njofton se Sektori i Shitjes është duke shpërndarë  vërejtje ndaj konsumatorëve të cilët kanë borxhe të mbledhura, se do t’i dërgojë te përmbaruesi nëse nuk i shlyejnë borxhet.

Njoftimi i plotë:

Vërejtje para ngritjes së Procedures për Ekzekutim tek Përmbaruesi Privat.

Të nderuar konsumator, nga Sektori i  Shitjes na njoftojnë  se jemi duke bërë përgatitjen e lëndëve tek Përmbaruesi Privat për të gjithë  konsumatorët të cilët kanë borxhe të akumuluara duke mos kryer pagesa mujore.

Apelojmë tek konsumatorët se në momentin që pranojnë faturën e ujit të kryejnë obligimet e tyre në baza mujore si detyrim kundrejt ujit të shpenzuar, në rast të mos përgjigjes ndaj obligimeve tuaja,  përkundër dëshirës sonë ne si ofrues i shërbimeve jemi të detyruar të ngirism procedurat  përmbarimore.

Duke mos dashur të ju implikojmë me shpenzime shtesë, ftojmë konsumatorët  që të përmbushin obligimet e tyre  si detyrim ndaj shërbimeve që ju ofrojmë dhe shpenzimit të ujit.

E njëjta vlen për  gjithë zonën ku operon KRU “Gjakova”, Gjakovë, Rahovec, Prizren duke përfshirë të gjitha kategoritë e debitorëve, amvisëri, komerciale, ente dhe industri./Gazeta Sinjali/