Komisioni Qendror i Zgjedhjeve është duke mbajtur mbledhjen e radhës ku mes të tjerash është duku u diskutuar edhe për rinumërimin e vendvotimeve me kërkesën e partive politike.
Burim Ahmeti nga QNR ka thënë në këtë mbledhje se deri në ditën e premte janë rinumëruar 95 vendvotimeve nga 314 prej tyre.
Po ashtu ai në këtë mbledhje ka deklaruar se në fazën e regjistrimit të votave me kusht janë duke u marrë me procesin e formularëve.
“Deri gjatë ditës së premte janë rinumëruar 95 vendvotime dhe janë në procesin e rinumërimit të vendvotimeve të tjera. Përndryshe sa i takon votave me kusht në mëngjesin e sotëm kemi vazhduar sipas procedurave në vendosjen e numrave të zarfeve të votave me kusht në atë mënyrë që votat me kusht të regjistrohen”, ka deklaruar ai gjatë kësaj mbledhje.
