Personat e vaksinuar me vaksinën anti COVID mund të marrin një kod QR dhe mund ta dëshmojnë se janë të vaksinuar përmes certifikatës digjitale COVID-19.
Por këtë nuk mund ta bëjnë edhe kosovarët, pasi Kosova ende nuk është anëtarësuar në platformën e BE-së për certifikatën digjitale të vaksinimit kundër koronavirusit.
Përveç Kosovës në këtë platformë nuk është e anëtarësuar as Bosnja.
“Kosova edhe Bosnja dy vendet e vetme ne Evrope qe nuk jane anetaresu ende ne platformen e BE-se per certifikaten dixhitale te vaksinimit kunder Covid-19”, ka shkruar gazetari i Shëndetësisë, Bujar Vitia.
Në anën tjetër shumë shtete të Evropës janë anëtarësuar dhe kanë filluar përdorimin e certifikatave dixhitale.
