Në Britani sot u konfirmua i burgosuri i parë i infektuar me koronavirus, transmeton Gazeta Sinjali.

Sipas BBC, ai vuan dënimin në qytetin e Manchesterit dhe tashmë është shtruar në një spital për t’u kuruar.

Gjithashtu autoritetet bëjnë me dije se asnjë i burgosur tjetër si dhe personeli nuk kanë rezultuar pozitivë, anipse 13 persona që kanë pasur kontakte me personin e infektuar janë vendosur në izolim si masë paraprake.

Deri më tani në Britani janë infektuar 2642 persona ndërkohë që janë regjistruar 72 viktima. Ndërkohë 67 persona janë shëruar./Gazeta Sinjali/