Jurgen Klopp nuk beson se ardhja e Erling Haaland në Manchester City do të ndikojë në numrin e golave të Mohamed Salah në Premier League dhe shpreson se sulmuesi mund të shënojë mbi 35 gola këtë sezon.
Ylli egjiptian e përfundoi sezonin e kaluar me 23 gola në ligën angleze, duke ndarë Këpucën e Artë me sulmuesin e Tottenhamit, Son Heung-min.
30-vjeçari mund të jetë në konkurrencë edhe më të madhe për vendin e golashënuesit më të mirë në Premier League për 2022-23, pasi Liverpool shtoi Darwin Nunez në skuadër këtë verë dhe Man City transferoi Haaland.
I pyetur nëse ardhja e Haaland dhe Darwin Nunez do ta motivojnë Salah për të shënuar më shumë, Klopp u tha gazetarëve: “Ndoshta, por kjo është vetëm bisedë, nuk duhet të mendoni se të gjitha gjërat që krijoni si histori janë menjëherë të rëndësishme për ne.
Po vijnë sulmues të rinj. Në Gjermani kur Robert Lewandowski u largua, [bisedimet ishin]: “Kush do të jetë golashënuesi i ri?” Kjo është ajo që ata diskutuan.
Nuk e di, njerëzit janë të motivuar nga gjëra të ndryshme, mendoj se motivimi më i madh i Mo është të fitojë ndeshje futbolli dhe të shënojë, padyshim që është kështu.
“Unë nuk mendoj se ai mendon shumë shpesh për lojtarët e tjerë ose sa shpesh shënojnë ata. Ai mund ta bëjë këtë në maj kur shpresoj të ketë 34 ose 35 dhe dy të tjerët të kenë 32. Përpara kësaj nuk mund ta shoh këtë“, ka deklaruar Klopp.
Liverpool e hap xhiron e sezonit të ri ndaj skuadrës së Fulham si mysafir, të shtunën nga ora 13:30.
