Filmi “Klithma” ka fituar çmimin kryesor “Best Short Film”, në edicionin e shtatë të festivalit të filmit “West Nordic International”.
Këtë e ka bërë të ditur regjisori i filmit Korab Lecaj, përmes një shkrimi të publikuar në rrjetin social Facebook, transmeton Gazeta Sinjali.
“Filmi ynë “Klithma” sapo fitoi çmimin kryesor “BEST SHORT FILM” ne edicionin e 7-të të West Nordic International Film Festival në Norvegji”, ka shkruar ndër të tjerash Lecaj.
Filmi “Klithma” ka qenë në garë me 30 filma të tjerë nga shtetet si: Amerika, Norvegjia, Franca, Gjermania, Kanadaja e shumë të tjerë./Gazeta Sinjali/
