Është ndërprerë furnizimi me ujë të pijshëm në rrugën “Agim Ramadani”, në Prishtinë.

Kompania Rajonale e Ujësjellësit “Prishtina” ka njoftuar se kjo ndërprerje është bërë për shkak se gypi kryesor në këtë zonë është dëmtuar.

“Para pak çastesh, gypi kryesor i furnizimit me ujë të pijshëm në rrugën “Agim Ramadani ” është e dëmtuar me ç’rast ne jemi të detyruar të ndërprejmë furnizimin me ujë për një pjesë të zonës në fjalë, pastaj rrugës “Tring Smajli” dhe”Bajram Kelmendi” në Prishtinë”, thuhet në njoftim.

KRU “Prishtina” ka njoftuar se ekipet e mirëmbajtjes janë në vendin e ngjarjes dhe po merren me rastin./Gazeta Sinjali/