Një instruktor 40-vjeçar i shkollës së sërfit në Santa Barbara, Matthew Taylor Coleman, është akuzuar për vrasjen e dy fëmijëve të tij të vegjël me një armë peshkimi me shtizë në Meksikë.

Matthew para autoriteteve tha se besonte se fëmijët e tij do të rriteshin si përbindësha, kështu që ai duhej t’i vriste, duke shtuar se ai ishte i fiksuar nga teoritë e komplotit dhe Illuminati.

Coleman tutje iu tha policëve se po merrte vizione dhe shenja se gruaja e tij kishte ADN gjarpër dhe e kishte kaluar atë te fëmijët e tij.

Pasi gruaja e tij njoftoi autoritetet për vendndodhjen e tij duke përdorur aplikacionin Find My iPhone, Coleman u kap duke u përpjekur të hynte përsëri në ShBA në pikën hyrëse Ysidro.

Ai ishte larguar nga shtëpia me dy fëmijët e tij të shtunën 200 kilometra larg nga Santa Barbara në Rosarito në Meksikë, ku i vrau ata herët në mëngjes.

Ai përdori një armë peshkimi me shtizë për të goditur në zemër djalin e tij Kaleo, 2 vjeç dhe vajzën Roxy, 10 muajsh dhe i hodhi në një fushë jashtë Rosarito, 60 milje në jug të San Diego, kështu iu tha instruktori i sërfit agjentëve federalë.

Sipas deklaratave, kur ata nuk vdiqën, Coleman theri djalin e tij 17 herë dhe vajzën 12 herë të tjera, duke i prerë dorën.

Një ditë para vrasjes Coleman u largua nga shtëpia e tij në Santa Barbara me dy fëmijët e tij me një furgon Mercedes Sprinter duke i thënë gruas së tij Abby Coleman se ata po shkonin në një kamp, ​​por nuk tregoi se ku.

Coleman nuk iu përgjigj asnjë thirrje dhe mesazhi të gruas së tij të shtunën.  

Abby raportoi se burri dhe fëmijët e saj ishin zhdukur dhe se ishte e shqetësuar për mirëqenien e familjes së saj./GazetaSinjali/