FC Ballkani do të duelojë sonte me kampionin nga Kazakistani, Astana, në kuadër të raundit të tretë të fazës grupore të Ligës së Konferencës për edicionin 2023-24.
Klubi portokalli e mirëpret Astanën sonte në “Fadil Vokrri”, me fillim nga ora 18:45.
E kur kanë mbetur edhe pak orë deri tek fillimi i ndeshjes, Ballkani ka dalë me një njoftim sa i përket çështjes së biletave, raporton Sinjali Sporti.
Siç thuhet në njoftim, pas shumë kërkesave për t’u pajisur me biletë, Ballkani ka vendosur që biletat e mbetura të pashitura do të vihen në dispozicion për t’u blerë edhe në formë fizike, nga ora 14:00.
Ato mund të blihen te stadiumi “Fadil Vokrri”, pranë hyrjes VIP-1, teksa shitja e tyre do të zgjasë deri në orën 18:00, thuhet në njoftim.
