COVID-19

Të infektuar

165

Të sheruar

24

Të vdekur

3

Drejtësi/ Keqpërdorin detyrën zyrtare, ngritet aktakuzë ndaj dy gjeodetëve në Prizren

news image

Prokuroria Themelore në Prizren ka ngitur aktakuzë ndaj dy gjeodetëve me inicialet B.S dhe L.R, për shkak të dyshimit se kanë kryer veprën penale “Keqpërdorim i pozitës apo autoritetit zyrtar”

Sipas aktakuzës, i akuzuari B.S. në cilësinë e personit zyrtar – gjeodet i licencuar, duke shfrytëzuar detyrën e ka bërë ndarjen e parcelave pa lejen e njërit pronar për vëllezërit e tij P.Gj., Gj.Gj., dhe M.Gj., nga fshati Karashëngjergj – Komuna e Prizrenit, duke shkelur të drejtat e personit tjetër bashkëpronarit Gj.Gj.

“Ndërsa, e akuzuara L.R., me datë 12.02.2018 në Prizren, në kohë të pacaktuar në cilësinë e personit zyrtar- gjeodete në Drejtorinë për Gjeodezi dhe Kadastër, duke shfrytëzuar detyrën apo autoritetin zyrtar tejkalon kompetencat e saj ashtu që me qëllim shkel të drejtat e personit tjetër Gj.Gj., duke vepruar në kundërshtim me rregullat ligjore të Agjencionit Kadastral të Kosovës. E njëjta, si gjeodete në Drejtorinë për Gjeodezi dhe Kadastër bënë regjistrimin me ndryshime të pronës së bashkëpronarit Gj.Gj., në Kadastral-Map në kundërshtim me rregullat ligjore, ashtu që edhe pse lënda nuk ishte e kompletuar meqë mungonte dokumenti i identifikimit si dhe kërkesa dhe i autorizuari i bashkëpronarit Gj.Gj., pa pëlqimin e tij bënë ndarjen e parcelave me aktvendim të datës 12.02.2018”, thuhet në njoftimin për media.

Me këto veprime, të akuzuarit B.S., dhe L.R., kanë përmbushur elementet e veprës penale “Keqpërdorimi i pozitës apo autoritetit zyrtar” sipas KPRK-së.

Prokurori i çështjes me rastin e ngritjes së aktakuzës, i ka propozuar Gjykatës që të akuzuarit të shpallen fajtorë dhe të dënohen sipas ligjit./GazetaSinjali/


Shpërndaje artikullin

Etiketat kryesore: