Korporata Energjetike e Kosovës ka reaguar pas bastisjeve të kryera nga Policia e Kosovës në zyret e tyre, shkruan Gazeta Sinjali.
KEK njoftoi për kontrollimin që ua ka bërë Policia e Kosovës, duke shtuar se nuk kanë informata për arsyet e këtij aksioni.
Gjithashtu, në këtë njoftim thuhet se ‘KEK si gjithmonë mbetet e hapur për bashkëpunim me organet e rendit dhe do të ofrojë qasje të plotë në cilëndo kërkesë nga këto organe’.
Reagimi i plotë i KEK-ut:
Korporata Energjetike e Kosovës njofton opinionin se sot ka pas një kontrolle nga Policia e Kosovës dhe se nuk kemi ndonjë informacion zyrtarë rreth arsyeve të kësaj kontrolle.
Lidhur me këtë, KEK si gjithmonë mbetet e hapur për bashkëpunim me organet e rendit dhe do të ofrojë qasje të plotë në cilëndo kërkesë nga këto organe.
Megjithatë, KEK mbetet në funksion të përmbushjes së interesit të përgjithshëm publik për prodhimin e energjisë dhe ofrimin e sigurisë së furnizimit me energji elektrike të qytetarëve të vendit.
