Ballkani do ta zhvillojë sonte ndeshjen kthyese të raundit të dytë të Ligës së Konferencës ndaj La Fioritas.
‘Portokallinjtë’ janë pranë kalimit në raundin e tretë pasi fituan me rezultat të thellë 4-0 në ndeshjen e parë në udhëtim.
Suharekasit do ta presin skuadrën nga San Marino sonte në “Fadil Vokrri”, me fillim nga ora 20:00 dhe pritet të kalojnë në raundin e tretë pa ndonjë problem.
Nëse Ballkani kualifikohet për në raundin e tretë, ata do të fitojnë një shumë prej 350 mijë eurosh nga UEFA.
